افضل طريقة للدراسة

بما انو قربت الدراسة، عندي أفكار رائعة لتساعدكن بتثبيت المعلومات أكتر...اقروها للأخير....







مشان نعرف ندرس لازم نعرف بالأول كيف ذاكرتنا بتشتغل..



الذاكرة نوعين:





ذاكرة قصيرة الأمد،وذاكرة طويلة الأمد...




1الذاكرة قصيرة الأمد:


بتتخزن فيها المعلومات العابرة خلال اليوم..


شو اتغديت اليوم؟
لوين رحت امبارح؟



---------------- الخ

هي المعلومات بتبقى معنا لفترة قصيرة وبعدين مننساها...
الذاكرة قصيرة الأمد بتتخزن بسرعة عن طريق العقل اللاواعي..
وبتكون سعتها 7 (زائد أو ناقص معلومتين في المرة الواحدة)..
بدك تعرف كيف؟؟؟
خلينا نجرب:


احفظ الرقم التالي:
123313414515





ماعرفت تحفظه؟؟؟




عادي....

الرقم اللي قريناه من شوي.. ماعرفنا نحفظه بسرعة لأنو متل ما قلت .. الذاكرة قصيرة الأمد بتشيل بس 7 معلومات) زائد أو ناقص اتنين)


فالرقم اللي شفناه مكون من 12 رقما.. يعني 12 معلومة.. لذلك صعب على الذاكرة القصيرة الأمد إنها تشيله..


شو الحل؟
لتحط هدا الرقم بسهولة في الذاكرة قصيرة الأمد..ممكن بدل ما تخليه 12 معلومة.. تخليه 4 معلومات بس!


بتعرف كيف؟؟؟





هدا نفس الرقم بس كتبناه بأسلوب تاني:

123
313
414
515
صار سهل ينحفظ .. صح؟كل اللي عملناه انوقسمنا الرقم بشكل تاني.. بحيث نحفظ كل شوي مع بعض (مو رقم رقم متل الأول) .. الرقم الطويل صار 4 معلومات بس.. فصار أسهل!



2 الذاكرة طويلة الأمد:




هي الذاكرة بتحفظ المعلومات المهمةجدا اللي من الصعب جدا إنها تنتسى ..

اسمك ؟
رقم تليفونك ؟
------------- الخ
و لتشتغل هي الذاكرة لازم تقوم بشوية مجهود بالأول .. وبعدين ح تثبت بطريقة رائعة ..وهي هية الدراسة..


شو يعني دراسة؟
الدراسة ببساطة هي إنك تنقل المعلومات من الذاكرة قصيرة الأمد، للذاكرة طويلة الأمد.. يعني لما حدا بقلك: لازم تحفظ هالدرس متل اسمك، بكون كأنه قلك: لازم تحفظ هالدرس بالذاكرة الطويلة الأمد!


بس لو حفظت درس ونسيته تاني يوم.. بتكون عم تستخدم الذاكرة القصيرة الأمد وبدون ماتحس.



كيف ننقل المعلومات للذاكرةالطويلة الأمد؟
لننقل المعلومات للذاكرة طويلة الأمد لازم نقوم ببعض المجهود متل ما قلنا .. لكن النتيجة ح تكون رائعة..


1التكرار:
ح يخلّي عقلك يتعامل مع المعلومة باهتمام لأنها بتتكرر.. يعني مهمة بالنسبة لك..


2استخدام مراكز المخ المختلفة:
هي الطريقة مؤثرة وفعالة جدا.. (وأنا شخصيا مجربتها)
- طالما إنت بتحفظ بعيونك: يعني مراكز الإبصار في المخ اشتغلت على المعلومة..
- اكتب وإنت بتدرس : هالشي ح يخلي مراكز المخ المخصصة بعملية الكتابة تشتغل على هي المعلومة..
- سمّع اللي حفظته: وهيك بتكون شغلت حاسة السمع و نشطت مراكز الذاكرة ومركز الكلام اشتغل كمان على نفس المعلومة.
بهي الطريقة المعلومة تغلغلت جواك أكتر وأكتر ...


3الحالة الذهنية:
وإنت عم تدرس حط براسك إنك عم تحفظ مشان تبقى المعلومة على طول وتفيدك طول حياتك.. لأنو لو حفظتها على اعتبار إنها معلومة مؤقتة للامتحان بس, عقلك ح يتعامل معها على إنها معلومة تافهة ويحطها في الذاكرة القصيرة الأمد متل ما إنت طلبت منه!
تخيل إنك بتحفظ هي المعلومات لأنك ح تحتاجها بعد سنين طويلة.. تخيل هيك ما رح تخسر شي .. ورح تندهش من النتيجة الرائعة اللي رح تتحقق ..








مع تمنياتي لكم بلتوفيق والنجاح

يسلموووووووو علي الموضوووووووع
أنا في عطلة الصيف

العفو هذا واجبي